Security guard na nagpa-check up sa ER ng East Avenue Medical Center, nang-hostage ng isang doktor

Isang doktor ang hinostage ng security guard sa loob ng emergency room ng East Avenue Medical Center sa Quezon City.

Sa ulat ng Criminal Investigation and Detection Unit (CIDU) ng Quezon City Police District (QCPD) nagtungo sa ER ng ospital matapos maaksidente sa motorsiklo.

Bigla na lamang umano nitong inagaw ang syringe sa doktor at hinostage ito.

Nangyari ang insidente alas 5:00 ng umaga ng Miyerkules, July 1.

Wala naman umanong demand ang suspek.

Matapos ang negosasyon ay pinalaya din ng suspek ang biktima.

Dinakip naman ng mga tauhan ng QCPD CIDU ang suspek at dinala ito sa Camp Karingal.