Provincial Capitol ng Cebu isinailalim sa lockdown; 15 empleyado nagpositibo sa COVID-19
Nagpatupad ng lockdown sa provincial capitol ng Cebu matapos na 15 empleyado nito ang magpositibo sa COVID-19.
Sa abiso ng Cebu Provincial Government, simula ngayong araw July 1 hanggang sa July 3 ay suspendido ang person-to-person transactions sa kapitolyo.
Ito ay para bigyang daan ang full disinfection protocol sa pasilidad.
15 empleyado ng Cebu capitol ang nagpositibo sa COVID-19, 12 sa kanila ay residente ng Cebu City, habang ang dalawa ay mula sa Mandaue City at isa sa Talisay City.
Ayon pa sa pahayag, nanatiling infection-free ang kapitolyo noong unang pag-iral ng Enhanced Community Quarantine (ECQ) sa Cebu City.
Pero nang isailalim na sa GCQ ang lungsod at pinayagan nang makapasok sa trabaho ang mga empleyado ay doon na nagkaroon ng mga kaso.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.