Kaso ng COVID-19 sa Bicol, tumaas pa

Nakapagtala ng apat pang kaso ng COVID-19 sa Bicol region, ayon sa Department of Health Center for Health Development – Bicol.

Ayon sa DOH CHD-Bicol, ang mga bagong COVID-19 patient ay residente ng Manito, Albay.

Sinabi ng DOH CHD-Bicol na nakasailalim na ang pasyente sa quarantine facility.

Dahil dito, umabot na sa 118 ang kabuuang bilang ng tinamaan ng COVID-19 sa Bicol region.

Sa nasabing bilang, 21 ang naka-quarantine habang 13 ang naka-admit sa pagamutan.

Isa naman ang itinuturing na probable at pito ang suspected cases.

Nasa 78 residente na sa Bicol ang gumaling sa pandemya at anim ang pumanaw.