Mag-ama patay sa sunog sa Pasig

Patay ang mag-ama habang may tatlo pa ang sugatan sa sunog na naganap sa Pasig City Martes (June 30) ng madaling araw.

Ang sunog ay naganap sa Villa Tupaz, Brgy. San Joaquin sa Pasig City.

Ayon sa Pasig City Public Information Office nagsimula ang sunog 1:08 ng madaling araw.

Umabot lang ito ng 1st alarm at agad naapula ala 1:50 ng madaling araw.

Ayon kay Fire Supt. Douglas Guiyab matapos tuluyang maapula, natagpuan ang wala nang buhay na si Rodolfo Eguillos, 40 anyos at kaniyang 10 taong gulang na anak na lalaki.

Aabot sa P200,000 ang halaga ng pinsala ng sunog.