33 pang kaso ng COVID-19, naitala sa Western Visayas

Nagpositibo ang 33 pang pasyente sa COVID-19 sa bahagi ng Western Visayas.

Ayon sa Department of Health Western Visayas Center for Health Development hanggang June 29, umakyat na sa 307 ang mga kumpirmadong kaso ng COVID-19 sa rehiyon.

Nakasailalim ang mga bagong COVID-19 patient sa quarantine facility.

Samantala, umakyat naman sa 126 ang mga gumaling sa Western Visayas.

Kabilang dito ang 61-anyos na lalaking residente ng Arevalo, Iloilo City.

Nananatili pa rin sa 11 ang bilang ng nasawi sa rehiyon dahil sa nakakahawang sakit.