12 mangingisdang Pinoy nawawala matapos mabangga ang sinasakyag fishing boat sa isang Hong Kong-flagged cargo vessel

Aabot sa 12 mangingisdang Pinoy ang patuloy na pinaghahanap matapos ang aksidente sa karagatan ng Occidental Mindoro kahapon (June 28) ng umaga.

Ayon kay Occidental Mindoro Gov. Eduardo Gadiano, nabangga ang sinasakyang fishing boat na Liberty Cinco ng mga Pinoy sa isang Hong Kong-flagged cargo vessel sa bahagi ng Paluan.

Rumesponde na sa lugar ang mga tauhan ng Philippine Coast Guard mula sa Batangas at mga opisyal ng local disaster office sa bayan ng Paluan para hanapin ang mga nawawalang mangingisda.

Ngayong araw ay magpapatuloy ang paghahanap sa mga mangingisda.