Halos 100 LSIs stranded sa Northport Terminal sa Tondo

Sa Northport Terminal sa Tondo, Maynila nagpalipas ng gabi ang aabot sa halos isangdaang locally stranded individuals (LSIs).

Inabutan na rin ng ulan ang mga LSI na nanatili sa naturang terminal sa pag-asang makauwi ng kanilang lalawigan.

Hindi kasi natuloy ang pagsakay nila ng barko patungo sa Zamboanga at Dumaguete.

Ito ay kasunod ng bagong patakaran ng pamahalaan na dapat sumailalim muna sa swab test ang mga LSI at kailangang negatibo ang resulta nito bago mapayagang makauwi sa kanilang mga lalawigan.