Pagpapauwi sa 301 bangkay ng OFWs sa Saudi Arabia, pinamamadali na

Minamadali na ni Labor Secretary Silvestre Bello III ang pagpapauwi sa 301 na bangkay ng mga overseas filipino worker sa Saudi Arabia.

Ito ay para makamit ng Pilipinas ang ibinigay na July 4 deadline ng pamahalaan ng Saudi Arabia na iuwi ang mga bangkay.

Ayon kay Bello, may inaayos nang flight ang pamahalaan para maiwui ang mga bangkay.

Una nang sinabi ni Bello na naipon ang bangkay ng mga Filipino sa Saudi Arabia dahil sa tatlong buwang lockdown dahil sa COVID-19.

Natural death ang sanhi ng pagkamatay ng mga Filipino habang ang iba ay nasawi dahil sa krimen.

Agad namang inilibing sa Saudi Arabia ang 50 Filipino na nasawi dahil sa COVID-19.