Extreme localized community quarantine sa bahagi ng Brgy. Sucat sa Muntinlupa, pinalawig

Pinalawig ang pinaiiral na extreme localized community quarantine sa bahagi ng Zone 3 Interior, Sitio Pagkakaisa sa Barangay Sucat sa Muntinlupa City.

Sa inilabas na executive order no. 23, ito ay bunsod pa rin ng nakakabahalang pagtaas ng bilang ng kumpirmadong kaso ng COVID-19 sa nasabing lugar.

Inirekomenda ito ng City Health Office matapos lumabas na 29 sa 130 na isinagawang PCR tests ay nagpositibo sa nakakahawang sakit.

Dahil dito, pinalawig ang ELCQ hanggang 11:59 ng gabi ng July 3.

Matatandaang unang ipinatupad ang 14 araw na lockdown hanggang 11:59 ng gabi ng June 26.