AFP magbibigay seguridad sa mga kandidato sa mga pupunta sa NPA-infested areas
Pinawi ng militar ang takot ng mga kandidato sa mga rebeldeng New People’s Army (NPA) matapos ang ginawa ng mga ito na pananambang sa tropa ng Philippine National Police Public Safety Batallion sa Baggao Cagayan noong nakaraang linggo.
Ayon kay Armed Forces of the Philippines (AFP) spokesman BGen. Restituto Padilla, titiyakin nila sa Comelec ang seguridad ng mga kandidato lalo na ang mga tutungo sa mga lugar na may presensya ng mga rebelde.
Ang ginawa anyang pananambang ng NPA sa mga pulis ay pagpapahiwatig lamang na kaya nilang atakehin ang mga alagad ng batas.
Gayunpaman, sinabi ni Padilla na hindi dapat matakot dito ang mga kandidato at huwag na huwag magbabayad ng permit to campaign sa NPA.
Dapat lamang anyang makipagtulungan ang mga kandidato sa pulisya at militar kapag mangangampanya sa lugar na may presensya ng NPA upang mabigyan ng karampatang seguridad.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.