Ilang lalawigan sa Southern at Central Luzon uulanin sa susunod na mga oras

Makararanas ng pag-ulan sa susunod na mga oras ang ilang lalawigan sa Southern at Central Luzon.

Sa thunderstorm advisory ng PAGASA na inilabas alas 2:09 ng hapon ng Biyernes, June 26, katamtaman hanggang sa malakas na buhos ng ulan ang mararanasan sa Cavite, Batangas, Nueva Ecija, at Pampanga.

Ganitong lagay na rin ng panahon ang nararanasan sa San Felipe, San Marcelino at Cabangan sa Zambales; at sa Mayantoc, San Jose, at Santa Ignacia sa Tarlac.

Pinapayuhan ang mga residenteng nakatira sa low lying areas na maging alerto sa posibleng pagbaha.