Biyahe ng MRT-3 naantala dahil sa problema sa suplay ng kuryente
Hindi nakapagsimula sa tamang oras ang biyahe ang Metro Rail Transit (MRT-3) dahil sa problema sa suplay ng kuryente.
Ayon sa abiso ng DOTr MRT-3, na-delay ang simula ng biyahe ng mga tren.
Naapektuhan kasi ang suplay ng kuryente sa MRT-3 bunsod ng nangyaring power failure sa Diliman at Balintawak kagabi.
Ayon sa MRT-3 agad silang nakipag-ugnayan sa Meralco para agad maibalik ang suplay ng kuryente.
Pansamantala, ang mga pasahero ng MRT-3 ay pinasakay muna sa bus augmentation.
Mayroon na ring naka-standby na 16 na CKD train sets sa depot at mainline para agad makabiyahe kapag bumalik na ang suplay ng kuryente.
Alas 7:31 naman ng umaga nang makabalik na sa normal na operasyon ang MRT-3.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.