Limitasyon sa bilang ng pwedeng bilhing face masks, alcohol tinaasan ng DTI

Dinagdagan ng Department of Trade and Industry (DTI) ang bilang ng pwedeng bilhing alcohols, sanitizers, disinfecting liquid products, at face masks.

Ayon sa DTI, bagaman sakop pa din ng purchase limits ang nasabing mga produkto ay itinaas na ang bilang ng limitasyoan.

Sinabi ni DTI Secretary Ramon Lopez, na kung dati, limang piraso lang ng face masks ang pwedeng bilhin kada transaksyon, ngayon ay hanggang isang box na o 50 pieces.

Para naman sa alcohols, sanitizers, at disinfecting liquids, pwede nang bumili ng hanggang limang bote kung one liter pababa.

Hanggang tatlong bote naman kung one liter pataas.

Sinabi ni Lopez na nagsimula na ring bumalik sa normal ang suplay ng naturang mga produkto.