AWOL na pulis, 2 iba pa patay sa shootout sa Quezon
Nasawi ang isang dating pulis at dalawang iba pa sa engkwentro sa mga tauhan ng Philippine National Police Anti-Kidnapping Group (PNP-AKG) sa lalawigan ng Quezon.
Sa inisyal na ulat ni Philippine National Police Anti-Kidnapping Group director Brig. Gen. Jonnel Estomo, ang mga suspek ay kinilalang sina Rico Moog Gutierrez – isang dating patrolman na nakatalaga sa Quezon Police Provincial Office (PPO), at si Jose Pitarque Alcaria.
Ang ikatlong suspek ay patuloy pang kinikilala.
Nagtungo ang mga tauhan ng PNP-AKG ang bahay ni Gutierrez sa Barangay Behia sa bayan ng Tiaong para isilbi ang search warrants sa paglabag sa Republic Act 10951 o Comprehensive Firearms and Ammunition Regulation Act na inisyu ng Laguna Regional Trial Court.
Habang papalapit sa bahay ay pinaputukan na ng mga suspek ang mga pulis.
Tumagal ng 15-minuto ang palitan ng putok na nagresulta sa pagkasawi ng talto.
Nakuha sa crime scene ang iba’t ibang uri ng ga armas kabilang ang mga sumusunod:
– 2 cal. 5.56 rifles
– semi-auto shotgun
– cal. 45 revolver
– cal. 22 rifle
– cal. .380 pistol
– cal. 45 pistol
– cal. 38 revolver
May nakuha ring tinatayang 100 gramo ng hinihinalang shabu.
Si Gutierrez ay dating intelligence operative sa Quezon PPO at inilipat sa Bangsamoro Autonomous Region pero bigla itong nag-AWOL.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.