2 opisyal ng barangay sa Albay nasawi sa pananambang
By Dona Dominguez-Cargullo June 25, 2020 - 09:13 AM
Dalawang opisyal ng barangay sa lalawigan ng Albay ang nasawi sa pamamaril.
Nangyari ang pananambang sa bayan ng Jovellar.
Kinilala ang mga nasawi na sina Arthur Clemente, 41 at barangay kagawad at si Edel Brano Moina, 57 na barangay treasurer.
Ang dalawa ay kapwa opisyal sa Barangay San Isidro.
Sa ulat ng Jovellar Police, nag-iinuman ang mga biktima sa bahay ng isang Sonny Medravillo nang dumating ang dalawang suspek at sila ay pinagbabaril.
Nagpapatuloy pa ang imbestigasyon sa pananambang.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.