Nasawi sa lindol sa Mexico umakyat na sa pito

Umakyat na sa pito ang bilang ng mga nasawi sa malakas na pagyanig na tumama sa Mexico.

Ang lindol ay tumama alas 10:29 ng umaga sa Mexico na nagdulot ng pagkasira sa maraming mga bahay.

Napinsala din ang apat na archaeological sites at nawalan ng suplay ng kuryente ang mahigit 2.4 million na mga residente.

Nagdulot din ng sunog ang pagyanig sa isang oil refinery sa Pacific coast city sa Salina Cruz.

Maliban sa pitong nasawi ay nakapagtala din ng anim pang sugatan.

May mga simbahan din, tulay at kalsada ang napinsala.