Eastern sections ng Visayas at Mindanao apektado ng Easterlies
Easterlies ang umiiral sa silangang bahagi ng Visayas at Mindanao ngayong araw.
Ang naturang weather system ay maghahatid ng mainit at maalinsangang panahon ngunit maari din itong magdulot ng malakas na pag-ulan sa hapon o gabi.
Sa weather forecast ng PAGASA, ngayong araw, ang eastern Visayas, Caraga at Davao Region ay makararanas ng maulap na papawirin na mayroong kalat-kalat na pag-ulan at thunderstorms dahil sa easterlies.
Babala ng PAGASA, ang biglaang malalakas na buhos ng ulan ay maaring magdulot ng flash floods o landslides.
Sa Metro Manila naman at nalalabi pang bahagi ng bansa, magiging maalinsangan din ang panahon na mayroon lamang isolated na mga pag-ulan sa hapon o gabi.
Sa susunod na tatlo hanggang limang araw, wala namang inaasahang bagyo na papasok sa Philippine Area of Responsibility.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.