Bilang ng mga naka-recover sa COVID-19 sa lalawigan ng Rizal, umabot na sa 436

Tumaas pa ang bilang ng mga gumaling o naka-recover na sa coronavirus disease o COVID-19 sa lalawigan ng Rizal.

Base sa huling datos ng Provincial/City/Municipal Health Offices ng Rizal (10PM, Miyerkules, June 24) , nadagdagan ng 4 ang bilang ng mga gumaling na sa COVID-19 sa lalawigan kaya umabot na ito sa 436 habang 172 ang active cases.

Nanatili sa 77 ang bilang ng mga nasawi sa COVID-19 sa lalawigan.

Ang kabuuang bilang sa ng tinamaan ng virus sa lalawigan ay umabot na sa 685 kung saan nakapagtala ng 9 na bagong kaso.

Samantala, nasa 138 ang bilang ng probable habang nasa 602 naman ang bilang ng mga suspected sa lalawigan.