Aktibidad para sa ika-449 na taon ng Araw ng Maynila idaraos ngayong araw

Magdaraos ng simpleng seremonya ngayong araw sa Maynila para sa paggunita ng ika-449 na taon ng Araw ng Maynila.

Alas 8:00 ng umaga, magkakaroon ng Wreath-Laying Ceremony sa Rajah Sulayman Park at sa puntod ni Miguel Lopez de Legazpi sa San Agustin Church.

Magkakaroon din ng groundbreaking ceremony sa Ospital ng Maynila.

At misa sa Manila Cathedral alas 12:00 ng tanghali.

Sa abiso ng Manila City LGU limitado lamang ang bilang ng mga dadalo sa nasabing aktibidad.

Mamayang gabi naman ay magkakaroon ng tribute sa mga frontliner na mapapanood via Facebook Live.