P4-M halaga ng marijuana sinira sa Balamban, Cebu
Sinira na mga otoridad ang P4,120,000 halaga ng marijuana plants sa Balamban, Cebu Martes ng umaga.
Ayon sa Philippine Drug Enforcement Agency Regional Office (PDEA RO) 7, isinagawa ang marijuana eradication sa tatlong sites sa bahagi ng Sitio Liki, Barangay Bayong bandang 7:35 ng umaga.
Nakuha sa operasyon ang humigit-kumulang 10,300 fully grown marijuana plants mula sa tatlong site.
Nakatakas naman ang cultivator na si Ademar Mangitngit nang matunugan ang pagdating ng mga otoridad.
Si Mangitngit ay itinuturing bilang isang high-value target.
Kasong paglabag sa Section 16, Article 2 ng Republic Act 9165 ang isasampa laban sa suspek.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.