Unauthorized travels pinababantayan ni Sen. Bong Go sa IATF

Pinahihigpitan pa ni Senator Christopher Go sa Inter Agency Task Force (IATF) ang pagpapatupad ng Hatid Tulong program.

Naobserbahan ni Go na kailangan mabantayan ng husto ang mga hindi otorisadong pagbiyahe.

Aniya kung hindi kakayanin ng LGU’s na tanggapin ang kanilang mga mamamayan na ikinukunsiderang locally stranded individuals o LSIs makakabuti na hindi muna payagan ang mga ito na maka-biyahe.

Dapat din aniya tiyakin na ang LGUs ay may kakayahan na magsagawa ng testing, quarantine at maalagaan ang kanilang mga uuwing kababayan.

Sinabi ng senador na nakahanda siyang pag-aralan muli ang Balik Probinsiya at Hatid Tulong programs.