Bahagi ng Putatan, Muntinlupa isasailalim na sa lockdown mula ngayong araw

Isasailalim sa labinglimang araw na lockdown ang bahagi ng Brgy. Putatan sa Muntinlupa City.

Ayon sa Muntinlupa City local government, mula alas 12:01 ng tanghali mamaya (June 23) ay sisimulan na ang lokdown sa Block 35 Excess Lot sa Soldiers’ Hills Village sa naturang barangay.

Tatagal ang lockdown hanggang sa tanghali ng July 7.

Isasara ang tatlong daan papasok sa nasabing komunidad.

Ang desisyon ay kasunod ng pagkakaroon ng sampung kaso na ng COVID-19 sa lugar.

Inabisuhan ang mga residente na maghanda na para sa lockdown.

Bumili na ng pagkain ay gamot at iba pang mahahalagang kailangan.