Bilang ng mga pulis na tinamaan ng COVID-19, 507 na
Nadagdagan pa ang bilang ng kumpirmadong kaso ng coronavirus disease o COVID-19 sa Philippine National Police (PNP).
Sa huling datos mula sa PNP (Lunes, June 22 6PM) umakyat na sa 507 ang kabuuang bilang ng mga nagpositibo sa COVID-19 .
Sa nasabing bilang ay mayroong 287 pulis na nakarecover na kung saan nabawasan ito ng isa.
Si patient PNP-47 ay inilipat mula PNP-National HQ sa PRO-6 at bilang bahagi ng standard protocol ng PNP-PRO-6 muling isinailalim ang nakarecover na pulis sa swab testing kung saan ang naging resulta nito ay positibo.
Nadagdagan ng 1 ang COVID-19 related deaths kaya umabot na sa 9 ang nasawi.
Tumaas din ang bilang ng probable case ng COVID-19 sa PNP na nasa 652 na at 868 naman ang suspected case.
Pinayuan ng PNP ang lahat ng kanilang mga tauhan na agad makipag-ugnayan sa PNP Health Service kung makararanas ng sintomas ng COVID-19.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.