136 na volcanic earthquake naitala sa Mt. Kanlaon

Sa nakalipas na 24 na oras ay nakapagtala ng 136 na volcanic earthquake sa Mt. Kanlaon.

Ayon sa volcano bulletin ng Phivolcs, apat dito ang naramdaman at nakapagtala ng intensities Lunes (June 22) ng madaling araw.

Ang pagyanig ay mayroong magnitude na 3.2 hanggang 4.7.

Nakapagtala din ng moderate emission ng steam-laden plumes mula sa crater ng bulkan na ang taas ay umabot sa hanggang 200 meters.

Nananatili sa alert level 1 ang Mt. Kanlaon na nangangahulugang hindi pa rin normal ang kondisyon nito.