High-value target, timbog sa buy-bust ops sa Cebu City: P340,000 halaga ng shabu, nasabat
Arestado ang isang high-value target sa buy-bust operation ng Philippine Drug Enforcement Agency Regional Office 7 (PDEA RO7) sa Cebu City, Sabado ng gabi (June 20).
Ayon sa PDEA RO7, ikinasa ang operasyon sa Nivel Hills, Barangay Lahug bandang 6:30 ng gabi.
Nakilala ang naarestong suspek na si Beverly Pelegrino alyas “Kim.”
Nakatakas naman ang kasabwat nito na si Jefferson Lomotos.
Nakuha kay Pelegrino ang dalawang pack ng hinihinalang shabu na nagkakahalaga ng P340,000, cell phone, motorsiklo, boodle money, at paper packaging.
Kasong paglabag sa Sections 5 at 26, Article 2 ng Republic Act 9165 ang isasampa laban sa suspek.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.