Magnitude 4.5 na lindol tumama sa Calayan, Cagayan

Niyanig ng magnitude 4.5 na lindol ang Calayan, Cagayan Sabado ng umaga.

Ayon sa Phivolcs, tumama ang lindol sa layong 46 kilometers Southwest ng Calayan bandang 11:49 ng umaga.

16 kilometers ang lalim ng lindol at tectonic ang origin.

Bunsod nito, naramdaman ang instrumental intensities sa mga sumusunod na lugar:
Intensity II – Pasuquin, Ilocos Norte
Intensity I – Laoag City

Sinabi naman ng Phivolcs na walang napaulat na pinsala sa naturang bayan.

Wala ring inaasahang aftershocks matapos ang pagyanig.