BREAKING: Mga nagpositibo sa COVID-19 sa Pilipinas, mahigit 28,000 na

By: Dona Dominguez-Cargullo - 4 years ago

Nadagdagan pa ang bilang ng tinamaan ng Coronavirus Disease o COVID-19 sa Pilipinas.

Sa huling datos ng Department of Health (DOH) hanggang 4:00, Biyernes ng hapon (June 19), umabot na sa 28,459 ang confirmed cases ng nakakahawang sakit sa bansa.

Sinabi ng kagawaran na 661 ang napaulat pang kaso ng COVID-19 kung saan 460 ang “fresh cases” habang 2011 ang “late cases.”

Sa NCR, nakapagtala ng 277 na fresh cases at 40 late cases.

Sa Region 7 naman ay mayroong 21 na fresh cases at 103 na late cases.

Labingapat na pasyente ang nasawi kung kaya ang COVID-19 related deaths sa bansa ay 1,130 na.

Ayon pa sa DOH, mayroong 288 pang gumaling sa nasabing sakit.

Dahil dito, umakyat na sa 7,378 ang total recoveries ng COVID-19 sa Pilipinas.