Metro Manila, mga kalapit na lalawigan patuloy na uulanin
Magpapatuloy pa ang nararanasang pag-ulan sa Metro Manila at mga kalapit nitong lalawigan sa susunod na mga oras.
Sa inilabas na thunderstorm advisory ng PAGASA alas 12:29 ng umaga ngayong Biyernes, June 19 katamtaman hanggang sa malakas na pag-ulan na may pagkulog at pagkidlat ang mararanasan sa Tarlac, Bataan, at Cavite.
Malakas hanggang sa matinding buhos ng ulan naman ang nararanasan na sa Caloocan; Cabiao, San Antonio at San Isidro sa Nueva Ecija; Cabangan, Santa Cruz at Candelaria sa Zambales; San JOse Del Monte, Santa Maria, Bocaue at Norzagaray, Dona Remedios Trinidad, Balagtas, Bulakan, Guiguinto, San Ildefenso, Pandi, Bustos at Plaridel sa Bulacan; Candaba, Pampanga; Tanauan, Santo Tomas, Malvar, Lipa, Rosario, IBaan at Taysan sa Batangas; Antipolo, Rizal; Sampaloc, Lucban, Tayabas at Sariaya sa Quezon.
Pinag-iingat ng PAGASA ang mga residente sa mabababang lugar sa posibleng pagkakaroon ng flash flood.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.