Grade 9 student, nag-suicide dahil sa pressure ng ‘online classes’
Sa sobrang pag-intindi sa mangyayaring ‘online classes,’ nagpakamatay ang isang incoming Grade 9 student sa Sto. Domingo, Albay noong nakaraang Martes.
Ayon sa ina ng 19-anyos na lalaki, madalas na inirereklamo ng kanyang anak ang cellphone load na kakailanganin para sa online class.
Sa pahayag ni DepEd Region 5 Dir. Gilbert Sadsad ang biktima ay estudyante ng Sto. Domingo National High School at ang pagpapakamatay ay nangyari sa isang kubo sa Barangay Fidel Surtida.
Natagpuan ang nakabigting biktima ala-5 ng madaling araw, ayon pa kay Sadsad.
Nangyari ang insidente, ilang araw matapos iligtas ng biktima sa pagpapakamatay ang isang kaibigan.
Nabatid din na ang biktima ay sasailalim sana sa Balik-Aral Program ng DepEd.
Sinabi ni Sadsad na gagawa sila ng hakbang para sumailalim sa psycho-social intervention ang mga kapatid ng biktima dahil sa maaring epekto sa kanila ng pangyayari.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.