Manila RTC judges, court personnel sasailalim sa self-quarantine hanggang June 30
Sasailalim sa self-quarantine ang lahat ng Manila Regional Trial Court (RTC) judges at court personnel simula sa araw ng Huwebes, June 18.
Ito ay matapos magkaroon ng exposure ang dalawang court employees sa malapit na kamag-anak na positibo sa COVID-19.
Nakasaad sa inilabas na memo ni Manila RTC Executive Judge Virgilio Macaraig na, “Judges are given the discretion whether or not to proceed with in-court hearings scheduled today, if there is any.”
Tatagal ang self-quarantine ng Manila RTC judges at court personnel hanggang June 30.
Inabisuhan ang lahat ng judge at court personnel na iwasang magkaroon ng contact sa publiko at magsagawa ng tracing sa lahat ng taong nakasalamuha sa nakalipas na dalawang linggo.
Sakaling nakararanas ng sintomas ng COVID-19, agad aniyang i-report sa barangay health worker.
Maaari namang magsagawa ng hearing sa pamamagitan ng video conferencing.
“Affected courts may conduct hearings through video conferencing away from home and accept pleadings, motions filed electronically during the period of self-quarantine pursuant to circulars issued by the Supreme Court,” saad pa sa memorandum.
Ayon pa kay Macaraig, magsasagawa ng disinfection at sanitation sa lugar.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.