Nakaranas ng aberya sa biyahe ng Light Rail Transit-1.
Sa abiso ng LRT-1 alas 6:48 ng umaga ng Huwebes, June 28 ay nagpatupad ng 5 kilometer per hour na speed restriction sa kanilang mga tren mula Baclaran to Roosevelt.
Ito ay dahil sa isang tren nila na nagkaroon ng problema.
Alas 7:06 ng umaga ay muling naglabas ng abiso ang LRT-1 at sinabing inihinto na muna pansamantala ang biyahe ng mga tren mula Baclaran patungong Roosevelt.
Sinabi ng LRT-1 na agad nagtalaga ng technician para ayusin ang nagkaproblemang tren sa bahagi ng UN Avenue.
Alas 7:30 ng umaga nang maiayos na ang aberya at maibalik sa normal ang biyahe ng mga tren.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.