Mahigit 1,600 na Pinoy nakauwi sa bansa kahapon

Umabot sa 1,696 na Pinoy ang dumating sa bansa kahapon.

Sa nasabing bilang, 665 ang dumating sa Clark at 1,031 ang dumating sa NAIA.

Ayon sa Department of Foreign Affairs (DFA), dumating sa Clark International Airport (CRK) sa Pampanga ang 347 na Pinoy seafarers mula sa Barbados.

Sila ay pawang crew ng Royal Caribbean Cruises Ltd. (RCCL) ships Harmony of the Seas, Celebrity Equinox, at Serenade of the Seas.

Kahapon din lumapag sa Clark ang eroplano na nag-uwi sa 318 na stranded na Filipinos galing United Arab Emirates.

Mahigit 1,000 OFWs naman ang dumating kahapon sa Ninoy Aquino International Airport.

Ayon sa DFA simula noong February 2020 ay umabot na sa 45,865 na mga Pinoy ang nakauwi sa bansa.