Expanded at targeted testing isasagawa sa Rizal ngayong araw; mga residente pwedeng mag-drive thru para magpa-test

Magsasagawa ng expanded at targeted testing para sa COVID-19 sa lalawigan ng Rizal ngayong araw.

Ang mga residente na gustong magpa-test ay maaring mag-drive thru lamang kung may dalang sasakyan.

Sa abiso ng Rizal Provincial Government, maaaring magtungo sa Ynares Center Grounds ngayong araw June 16, 2020 (Martes) ganap na alas 8:00 ng umaga para magpasuri.

Sasailalim muna sa rapid anti-body testing ang mga asymptomatic.

At kung magpopositibo sa COVID-19, kukunan po sila ng swab sample para sa RT-PCR test.

Kung mayroon namang sintomas ay diretso na silang isasailalim sa PCR swab test.

Kailangan lamang magdala ng anumang government-issued valid ID na nagpapatunay na kayo ay taga-Rizal province.