Sarangani, Davao Occidental niyanig ng magnitude 5 na lindol

Yumanig ang magnitude 5 na lindol sa Sarangani, Davao Occidental Linggo ng gabi.

Ayon sa Phivolcs, tumama ang episentro ng lindol sa layong 394 kilometers Southeast ng Sarangani bandang 9:25 ng gabi.

230 kilometers ang lalim ng lindol at tectonic ang origin.

Wala namang napaulat na pinsala matapos ang pagyanig.

Ngunit, babala ng Phivolcs, posibleng makaranas ng aftershocks matapos ang malakas na lindol.