Magkasunod na pagyanig naitala sa Burgos, Surigao del Norte

Nakapagtala ng magkasunod na pagyanig sa bayan ng Burgos sa lalawigan ng Surigao del Norte.

Unang naitala ang magnitude 3.9 na lindol sa 26 kilometers northeast ng Burgos alas 3:14 ng madaling araw.

May lalim na 11 kilometers ang pagyanig.

Alas 8:32 naman ng umaga nang maitala ng Phivolcs ang magnitude 3.5 na lindol sa bayan pa din ng Burgos.

Ang epicenter ng lindol at sa layong 43 kilometers northeast ng Burgos.

May lalim na 10 kilometers ang ikalawang pagyanig.

Wala namang naitalang intensities bunsod ng dalawang lindol.

Hindi rin ito inaasahang magdudulot ng pinsala at aftershocks.