Meralco may abiso sa mga hindi pa nakatatanggap ng May bill

Nagpaabiso ang Meralco sa mga consumer nito na hindi pa nakatatanggap ng kanilang May bill.

Ayon sa Meralco, kung wala pa ang May bill ay asahan nang magiging mataas ang June bill.

Sa June bill kasi maiipon ang konsumo base sa last actual reading date hanggang sa June o pinagsama-samang ECQ/GCQ months.

Para hindi gaanong mabigat ang pagbabayad, 1/4 lang ng current charges ang paunang babayaran ng consumers.

Habang ang natitirang 3/4 naman ay pwedeng bayaran ng installment sa loob ng 4 o hanggang 6 na buwan.

Kung nabayaran na ang estimated bills, pwedeng mag-request ng refund mula sa business centers ng Meralco o di kaya ay pwedeng ibawas sa succeeding bills.