Kaso ng COVID-19 sa Navotas, 298 na

Umakyat na sa 298 ang kaso ng COVID-19 sa Navotas City.

Sa datos mula sa Navotas LGU, sa nasabing bilang, 120 pa ang aktibong kaso habang mayroong 142 na naka-recover na.

Mayroon namang 36 na pumanaw sa Navotas dahil sa COVID-19.

Ayon kay Navotas City Mayor Toby Tiangco, magta-tatlong buwan na nang magdeklara ng community quarantine ngunit araw-araw ay may nadadagdag pa ring kaso sa lungsod.

Nananatiling ang Brgy. Navotas West ang may pinakamaraming aktibong kaso na 17.

Sumunod ang Brgy. NBBS Proper na mayroong 12 pang aktibong kaso.