Laban sa COVID-19 oportunidad para maipakita ang likas na pagiging “magiting” ng mga Filipino
Ang paglaban ng bansa sa COVID-19 ay oportunidad para maipamalas ang pagiging likas na “magiting” ng mga Filipino.
Bahagi ito ng mensahe ni Pangulong Rodrigo Duterte sa paggunita ngayong araw ng Independence Day.
Sa kaniyang mensahe sinabi ng pangulo na 122 taon ang nakararaan nang iproklama ang pagsilang ng bansa.
Kinikilala aniya ngayong araw ang katapangan, kabayanihan at sakripisyo ng mga nasa likod ng demokrasya ng bansa.
Sinabi ng pangulo na sa paglaban ng Pilipinas sa COVID-19, oportunidad ito para maipamalas ang pagiging likas na magiting ng mga Filipino.
Hiling ng pangulo sa bawat isa, manatiling puno ng pag-asa habang hinaharap ang pandemic ng COVID-19.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.