Sen. Villanueva sa pagbubuwis sa online sellers: Wala na ngang ayuda, bubuwisan pa
Dismayado si Senator Joel Villanueva sa pasya ng Bureau of Internal Revenue (BIR) na patawan ng buwis ang mga online seller.
Sa kaniyang pahayag, sinabi ng senador na dapat ngang magpasalamat ang pamahalaan dahil likas na madiskarte ang mga Filipino.
Nakalulungkot ayon sa senador na hindi na nga nakatatanggap ng ayuda mula sa pamahalaan ay bubuwisan pa ang online sellers na maliit lamang naman ang kinikita.
Sa halip na targetin ang online sellers, sinabi ni Villanueva na dapat ang mga POGO ang tutukan ng BIR.
Umaabot aniya sa P50 billion ang utang na buwis ng POGO sa gobyerno simula pa noong nakaraang taon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.