Red rainfall warning itinaas sa Romblon dahil sa nararanasang patuloy na pag-ulan

Nakararanas ng malakas at tuluy-tuloy na pag-ulan sa Romblon dahil sa umiiral na Low Pressure Area (LPA).

Sa inilabas na abiso ng PAGASA, red warning ang itinaas sa Romblon dakong alas 9:00 ng umaga ng Huwebes, June 11.

Yellow warning naman ang itinaas sa Catanduanes, Masbate kabilang ang Burias Island at Ticao Island.

Habang katamtaman hanggang sa malakas na buhos ng ulan ang nararanasan sa Camarines Norte, Camarines Sur, Albay, Sorsogon, at Northern Samar.

Pinayuhan ang mga residente na mag-antabay sa mga susunod pang abisong ilalabas ng PAGASA.