Pamimigay ng ayuda sa mga estudyante sa Navotas City, sinimulan na
Sinimulan na ang pamamahagi ng educational assistance sa mga high school student sa Navotas City.
Ayon kay Mayor Toby Tiangco, nabigyan na ng P5,000 ayuda ang ilang estudyanye sa Tanza National High School.
“Bahagi po ito ng P5.5 million na inilaan natin para sa tulong pang-edukasyon ng mga indigent na mag-aaral noong nasa Kongreso pa tayo,” pahayag ng alkalde.
Aabot sa 1,100 estudyante ang mapagkakalooban ng naturang benepisyo.
“Ang mga mag-aaral ng Tanza NHS at Kaunlaran HS ay nahuling bigyan dahil naabutan ng pandemya. Nawa’y makatulong ang ayudang ito sa kanilang pamilya lalo na sa pasukan,” dagdag pa ni Tiangco.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.