BREAKING: Bilang ng nasawi sa Pilipinas dahil sa COVID-19, pumalo na sa 1,003 – DOH
Sumampa na sa mahigit 1,000 ang bilang ng mga nasawi sa Pilipinas bunsod ng Coronavirus Disease o COVID-19.
Sa huling datos ng Department of Health (DOH) hanggang 4:00, Linggo ng hapon (June 7), siyam ang nasawi pa kung kaya ang COVID-19 related deaths sa bansa ay 1,003 na.
Nadagdagan din ang mga kumpirmadong kaso ng COVID-19 sa Pilipinas.
Sinabi ng kagawaran na sumampa na sa 21,895 ang tinamaan ng pandemiya sa bansa.
Ayon sa DOH, 555 pa ang napaulat na kaso ng nakakahawang sakit.
Sa nasabing bilang, 378 ang “fresh cases” habang 177 naman ang “late cases”
Samantala, 89 pasyente naman ang gumaling pa sa pandemiya sa bansa.
Dahil dito, ang total recoveries sa COVID-19 sa Pilipinas ay 4,530 na.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.