“PISTON 6” hindi pa rin nakalaya dahil sa kawalan ng internet connection ng tanggapan ng Clerk of Court sa Caloocan
Hindi pa rin nakalalaya ang tinaguriang PISTON 6 – ang anim na driver na inaresto sa Caloocan City dahil sa pagsasagawa ng kilos protesta.
Ayon sa isa sa kanilang mga abogado na si Atty. VJ Topacio, simula Biyernes (June 5) ng umaga ay ginagawa na nila ang lahat ng proseso para sa paglaya ng anim.
Ani Topacio, ang problema sa internet connection sa Clerk of Court ang dahilan kaya hindi naiproseso ang pagpiyansa.
Maghapon umano silang naghintay para mai-forward ng Office of the City Prosecutor ang resolusyon sa Clerk of Court.
Pero hanggang alas 4:30 ng hapon ay sinabi ng staff sa Clerk of Court na down ang kanilang internet connection.
Kabilang sa PISTON 6 ang isang 72-anyos nang driver na si Elmer Cordero.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.