BREAKING: Medical Center chief ng Southern Philippine Medical Center itinalagang DOH Usec. ni Pangulong Duterte

Itinalaga ni Pangulong Rodrigo Duterte sa Department of Health (DOH) ang medical center chief ng Southern Philipine Medical Center (SPMC) sa Davao City.

Kinumpirma ito sa Radyo Inquirer ni Executive Secretary Salvador Medialdea.

Ayon kay Medialdea, si Dr. Leopoldo Vega ay itinalaga ng pangulo bilang bagong undersecretary ng DOH.

Una nang nagpahayag ng pagkadismaya si Pangulong Duterte sa DOH dahil sa nabinbing pagbibigay ng benepisyo sa pamilya ng mga nasawing healthcare workers na tinamaan ng COVID-19.