Fun Ranch, Jump Yard nagsara na dahil sa epekto ng COVID-19 pandemic

Dalawang tanyag na pasyalan sa Metro Manila ang nagsara na dahil sa epekto ng pandemic ng COVID-19.

Kinumpirma ng Fun Ranch sa Facebook nito na permanente na silang magsasara.

Ang Fun Ranch ay mayroong branch sa Ortigas, Alabang at Pampanga.

Tiniyak ng Fun Ranch na kung mayroon pang deposits ang kanilang customers na naibayad bago ang lockdown ay kanila itong ire-refund.

Sa hiwalay na post, sinabi ng Jump Yard na magsasara na rin ito.

Ang Jump Yard ay isa sa mga pasyalan sa Ortigas.

Sinabi rin ng Jump Yard na ire-refund sa customers ang mga nauna nang naibayad na deposito.