30 staff ng isang barangay hall sa QC nagpositibo sa Rapid Test para sa COVID-19

Nagpositibo sa COVID-19 rapid testing ang 30 staff ng isang barangay hall sa Quezon City.

Simula ngayong araw, June 5, 2020 ay suspendido ang operasyon ng Barangay Hall sa Barangay South Triangle.

Tatagal ang suspensyon sa loob ng tatlong araw.

Sa abiso ng barangay, sinabi nitong hindi pa naman ibig sabihin na positibo na sa COVID-19 ang mga nagpositibo sa Rapid Test.

Ang mga empleyado na nagpositibo sa rapid test ay agad isinailalim sa quarantine at kukuhanan sila ng confirmatory swab tests gamit ang RT-PCR (reverse transcription polymerase chain reaction) tests.