Kim Chiu nagpaliwanag na sa MMDA tungkol sa viral video na pagsasayaw kalsada
Nagpaliwanag na sa Metropolitan Manila Development Authority (MMDA) ang aktres na si Kim Chiu tungkol sa viral video nito ng pagsasayaw ng single niyang ‘Bawal Lumabas’ habang nasa kalsada.
Sa panayam ng Radyo Inquirer sinabi ni MMDA General Manager Jojo Garcia na humingi ng audince sa kanila ang aktres para ipaliwanag ang kaniyang panig.
Sa kumalat na video, sinabing nasa EDSA umano si Chiu at nagsasayaw sa labas ng kaniyang sasakyan.
Ayon kay Garcia, sinabi ni Chiu hindi totoong sa EDSA nangyari ang kaniyang pagsasayaw.
Sa parking lot aniya ng isang establisyimento nangyari ang pagsasayaw at nakaparada noon ang sasakyan.
Sinabi ni Garcia na pinaalalahanan lamang nila ang aktres na tiyaking hindi nagkakaroon ng paglabag sa batas trapiko, at batid naman aniya ito ng aktres.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.