Walang banta ng tsunami matapos ang magnitude 6.6 na lindol sa Davao Oriental – Phivolcs

Inihayag ng Phivolcs na walang inaasahang tsunami sa anumang parte ng bansa.

Ito ay matapos tumama ang magnitude 6.6 na lindol sa Governor Generoso, Davao Oriental dakong 4:50 ng hapon.

Naitala ang episentro ng lindol sa layong 172 kilometers Southeast ng bayan ng Governor Generoso.

Nagbabala naman ang Phivolcs na posibleng makaranas ng aftershocks matapos ang pagyanig.