LPA na binabantayan ng PAGASA mababa ang tiyansa na maging bagyo; easterlies umiiral sa bansa

Mababa ang tiyansa na maging bagyo ang binabantayang low pressure area (LPA) ng PAGASA.

Ayon sa 5AM weather advisory ng weather bureau, sinabi ni Samuel Duran, ang LPA ay huling namataan sa 510 kilometers silangan ng Basco, Batanes alas-3:00 ng madaling araw.

Wala namang epekto ang LPA sa bansa.

Nakakaapekto naman ang easterlies sa ating bansa.

Maaliwalas na panahon naman ang mararanasan ngayong araw sa Metro Manila at nalalabing bahagi ng bansa pero asahan na ang mga panandaliang pag-ulan dulot ng localized thunderstorms sa hapon o gabi.

Wala namang nakataas na gale warning sa mga baybaying dagat kaya malayang makapaglalayag ang mga mangingisda at may mga may maliliit na sasakyang pandagat.