Bulacan VG candidate Phillip Salvador, pinatatanggal sa voters’ list sa Marilao
Pinatatanggal ng korte sa listahan ng mga lehitimong botante ng bayan ng Marilao, Bulacan ang pangalan ng aktor na si Phillip Salvador.
Ibig sabihin nito, hindi na makakaboto sa susunod na eleksyon ang aktor sa naturang bayan .
Binabaligtad nito ang naunang desisyon ng Marilao Municipal Trial Court na nagsasabing lehitimong botante ng Marilao ang aktor.
Sa kautusan ni acting Executive Judge Albert Fonacier ng Bulacan RTC, inatasan nito ang Commision on Elections na alisiin ang pangalan ni Salvador sa listahan ng mga registered voters sa Precinct No. 275D na sakop ng Bgy. Sta. Rosa 2.
Una rito, inireklamo ng anim na residente ng Barangay Sta. Rosa si Salvador sa pagsasabing hindi naman ito nakikita sa kanilang lugar.
Hindi rin nadatnan ng mga tauhan si Salvador sa ibinigay nitong address nang mag-inspeksyon ang Comelec kaugnay sa application of transfer voter’s registration ng aktor.
Gayunman, giit ni Salvador, sa naturang lugar siya nakatira kasama ang kanyang misis at bumibyahe lamang patungong Maynila upang magtrabaho.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.